Mbledhja e sotme e grupit të deputetëve të PS-së shënoi edhe një episod komik. Edi Rama duke kërkuar prej deputetëve të tij të ishin më aktivë në mediat sociale, por edhe nëpër panelet televizive, nuk harroi te komentonte përmbajtjen e publikimeve që bëjnë deputetët.
Si shembull mori Eduard Shalsin, profilin e të cilit në Instagram Rama tha se e hap gjithmonë sa herë do që të argëtohet. Shalsi dhe deputetë të tjerë, sipas kryeministrit, harxhojnë kohë me publikime që s’kanë asnjë lidhje me aktualitetin, punën e qeverisë dhe krizën politike në të cilën ndodhet mazhoranca, ndërkohë që nuk fokusohen te cështjet që meritojnë vërtet vëmendje.
Në takimin e sotëm me grupin, Rama prezantoi edhe këshilltaren e tij të re, Jonida Shehu, fjala e së cilës për deputetët është ligj. Pra, sipas Ramës nëse Shehu iu kërkon dicka, është njësoj sikur ia ka kërkuar ai vetë dhe nuk ka justifikime për të mos vepruar. ©LAPSI.al
