Ministrja për Europën dhe Punët e Jashtme, Elisa Spiropali, vizitoi mëngjesin e sotëm Shtëpinë e Bardhë në Washington të Shteteve të Bashkuara të Amerikës. Të paktën kështu pretendon Spiropali në njoftimin e saj, por nga fotot duket qartë se takimi nuk u mbajt në rezidencën presidenciale të SHBA-së, por në Eisenhower Executive Office Building (EEOB) ndërtesa ngjitur, ku ndodhen zyrat e këshilltarëve të presidentit, përfshirë stafin e NSC-së
Në Shtëpinë e Bardhë thotë Spiropali,u prit nga Charles McLaughlin, Asistent Special i Presidentit Trump që njëkohësisht mban detyrën e Drejtorit të Lartë për Europën dhe Rusinë në Këshillin e Sigurisë Kombëtare.
Takimi u fokusua në potencialin e thellimit të partneritetit strategjik Shqipëri–SHBA dhe veçanërisht te roli i ri i Shqipërisë si Anëtare-Themeluese e Bordit të Paqes.
Spiropali shkruan në faqet zyrtare se "përfaqësimi nga Kryeministri Rama në këtë iniciativë fisnike të Presidentit Trump, përveçse e ripozicionon Shqipërinë si kontributore aktive në çështjet e sigurisë dhe paqes, i jep një tjetër përmasë bashkë-koordinimit me aleatin tonë historik, SHBA".
Komplet tjetër gjë të pritesh në Shtëpinë e Bardhë dhe dicka krejt tjetër të pritesh në një zyrë aty ngjitur. Nejse, ndodhin këto nëpër botë madje sic thotë dhe Elisa, bëhen edhe filma.
