Catherine O'Hara, aktorja e njohur më së shumti për interpretimin e nënës në filmin “I vetëm në shtëpi”, ndërroi jetë në moshën 71-vjeçare.
Ajo u shua në shtëpinë e saj në Los Angeles pas një sëmundjeje të shkurtër. O'Hara ishte një aktore kanadeze që u bë e famshme në një nga teatrot e Torontos.
Karriera e saj zgjati për dekada dhe shkëlqimin e pati në rolin e saj komik. Megjithatë edhe roli i saj dramatik në serialin “The Last of Us” të HBO-së i dha asaj një nominim për çmimin Emmy. Ajo pati gjithashtu edhe një rol në sezonin e dytë të të njëjtit serial.
Karriera e Catherine O'Hara filloi në vitet 1980 me filmin e vitit 1988 të Tim Burton, “Beetlejuice” ku ajo luajti Delia Deetz. Ajo u aktivizua edhe në vazhdimin filmit të vitit 2024.
Pas rolit të saj si nëna e Kevin (Macaulay Culkin) në filmin “I vetëm në shtëpi”, ajo luajti rolin e Moira Rose në serialin televiziv “Schitt's Creek” midis viteve 2015 dhe 2020, për të cilin fitoi një çmim Emmy dhe një Golden Globe. Në vitin 2025, ajo luajti gjithashtu në filmin “The Studio”. ©LAPSI.al
