7 tifozë të klubit grek PAOK vdiqën në një aksident në Rumani, teksa po udhëtonin për në Francë për të parë nga afër ndeshjen e Europa League ndaj Lyon. Lajmi është konfirmuar në orët e pasdites nga qeveria greke.
“Thellësisht i tronditur, u informova për aksidentin tragjik në Rumani që mori jetën e shtatë bashkatdhetarëve të rinj”, tha kryeministri grek Kyriakos Mitsotakis. Një prej viktimave dyshohet se mund të jetë shqiptar.
Aksidenti ndodhi në orën 13:05 në autostradën DN6–E70, një nga rrugët kryesore të rajonit. Pamjet video të publikuara tregojnë se furgoni u përpoq të parakalonte një automjet tjetër, por kur provoi të kthehej në korsi, aty u përplas me një kamion tjetër.
Një dëshmitar okular i tha televizionit rumun: “Manovra e parakalimit ishte jashtëzakonisht e rrezikshme. Ai e kuptoi se kamioni po vinte dhe u përpoq të kthehej në korsinë e tij, por u përplas dhe u përplas direkt me të”.
/LAPSI.al
