Franca dhe Evropa duan "respekt", tha presidenti francez Emmanuel Macron, duke mbërritur në samitin e liderëve të BE-së në Bruksel.
Mediat e huaja shkruajnë se presidenti francez mirëpriti kthimin në një "situatë shumë më të pranueshme" me SHBA-në, pas përshkallëzimit dhe kërcënimeve të pushtimit në Grenlandë dhe tarifave në vendet evropiane nga SHBA.
"Në këtë samit joformal ne nënvizojmë unitetin e evropianëve në drejtim të mbështetjes së Danimarkës, integritetit të saj territorial, sovranitetit të saj kombëtar. Kur Evropa është e bashkuar, e fortë, reagon shpejt, gjërat kthehen në rregull dhe qetësi. Ne mbetemi vigjilentë dhe të gatshëm të përdorim mjetet që kemi në dispozicion nëse bëhemi përsëri shënjestër e kërcënimeve." tha ai.
