Kryedemokrati Sali Berisha u bëri thirrje qytetarëve që në datën 24 Janar të derdhen në sheshet që vendi të ushtojë nga thirrjet për demokraci.
‘Le ta bëjmë ne natën ditë këtë javë, të trokasim në çdo votër, në çdo derë, në çdo zemër në Tiranë dhe kudo. Sheshet dhe rrugët e kryeqytetit të shndërrohen në tmerrin e regjimit, në triumfin e lirisë, në triumfin e qytetarëve’, theksoi kryetari i Partisë Demokratike, Sali Berisha gjatë fjalës së tij në ‘Foltoren’ pra kryeministrisë.
Pjesë nga fjala e kreut të PD, Sali Berisha:
Edi Rama është një narko-diktator i cili vjedh shqiptarët nga mëngjesi gjer në darkë.
Qeveritarët e tij janë shushunja të vërteta që depozitojnë pasuri përrallore nga taksat e qytetarëve dhe pasuritë publike.
Është jetike, është vendimtare t’i përmbysim këta kriminelë dhe t’i çojmë përpara ligjit.
Shqipëria nuk do ketë kurrë Kushtetutë dhe ligj pa triumfin e opozitës, pa triumfin e qytetarëve, pa kryengritjen paqësore të shqiptarëve.
Le ta bëjmë ne natën ditë këtë javë, të trokasim në çdo votër, në çdo derë, në çdo zemër në Tiranë dhe kudo.
Sheshet dhe rrugët e kryeqytetit të shndërrohen në tmerrin e regjimit, në triumfin e lirisë, në triumfin e qytetarëve.
Rroftë Tirana, rroftë Shqipëria!
