Jeta personale e Tom Brady-t ka tërhequr sërish vëmendjen e publikut, mes thashethemeve për lidhje të reja dashurie, ndërsa burime pranë tij thonë se ish-ylli i NFL-së vazhdon të vuajë emocionalisht pas divorcit nga supermodelja Gisele Bündchen.
Fituesi i shtatë Super Bowl u pa së fundmi duke kërcyer me influenceren e rrjeteve sociale Alix Earle në St. Barths gjatë festimeve të Vitit të Ri, duke nxitur spekulime për një romancë të mundshme. Megjithatë, sipas burimeve, gjendja emocionale e Brady-t mbetet e brishtë, pavarësisht paraqitjeve publike.
Sipas podcast-it Pop Culture, Tom Brady është “ende shumë i thyer” emocionalisht, veçanërisht pasi Gisele Bündchen u martua më 3 dhjetor me instruktorin Joaquim Valente, me të cilin ka sjellë në jetë edhe një fëmijë.
Moderatorët e podcast-it theksuan kontrastin e fortë mes gjendjes së Brady-t dhe lumturisë së re të Gisele-s, e cila duket se ka nisur një kapitull të ri në jetë. Ata vunë në dukje se postimet e Brady-t në Instagram – shpesh me perëndime dielli dhe këngë melankolike, përfshirë edhe referenca për linja ndihme kundër vetëvrasjes – sugjerojnë se ai ende po përpunon dhimbjen e ndarjes.
Nga ana tjetër, Alix Earle, e cila më parë ishte në një lidhje me lojtarin e Houston Texans, Braxton Berrios, reagoi ndaj videos virale duke publikuar postime për miqësi të reja dhe kujtime të bukura, duke theksuar argëtimin dhe fillimet e reja në jetën e saj.
Tom Brady dhe Gisele Bündchen finalizuan divorcin e tyre në tetor të vitit 2022, pas 13 vitesh martesë dhe dy fëmijëve së bashku. Ndarja u përshkrua si miqësore, por e vështirë, dhe erdhi si rezultat i faktit se, sipas tyre, ishin “ rritur në drejtime të ndryshme”.
Gisele ka theksuar se divorci nuk ishte pasojë e një ngjarjeje të vetme dhe ka mohuar se karriera e Brady-t ishte arsyeja kryesore e ndarjes. “Ndonjëherë rritesh bashkë, ndonjëherë ndahesh,” është shprehur ajo, duke e quajtur procesin kompleks dhe të ndërtuar ndër vite.
Pavarësisht ndarjes, Bündchen ka deklaruar se i uron ish-bashkëshortit të saj lumturi dhe sukses, ndërsa të dy vazhdojnë të bashkëprindërojnë fëmijët e tyre.
