Komisioni Qendror i Zgjedhjeve në Kosovë ka publikuar përditësimin më të fundit të rezultateve paraprake të zgjedhjeve parlamentare, ndërsa procesi i numërimit po i afrohet përfundimit. Sipas të dhënave zyrtare, deri në orën 21:34 janë numëruar 2,369 nga 2,557 vendvotime, ose 92.65% e totalit.
Sipas rezultateve të deritanishme, Lëvizja Vetëvendosje! vijon të kryesojë me 50.08% të votave, ose 408,542 vota, duke ruajtur shumicën relative në shkallë vendi.
Në vendin e dytë renditet Partia Demokratike e Kosovës (PDK) me 20.98%, ose 171,111 vota. Pas saj vjen Lidhja Demokratike e Kosovës (LDK) me 13.89%, që përkthehet në 113,270 vota.
Aleanca për Ardhmërinë e Kosovës (AAK) ka siguruar deri tani 5.86% të votave, ose 47,837 vota, ndërsa Srpska Lista rezulton me 3.58%, ose 29,207 vota. Nisma Socialdemokrate mbyll listën e subjekteve kryesore me 1.65%, ose 13,478 vota. ©LAPSI.AL
