Olivia Rodrigo dhe Louis Partridge raportohet se janë ndarë pas dy vitesh lidhje.
Këngëtarja e hitit “Drivers License” dhe aktori britanik i kanë dhënë fund romancës së tyre disa javë më parë, sipas The Sun. Burime pranë çiftit thonë se miqtë e tyre janë të shokuar nga ndarja.
“Nuk kanë qenë javët më të lehta për ta dhe vendosën se për momentin është më mirë të jenë të ndarë,” tha një burim për median britanike.
Sipas raportimeve, Rodrigo është përlotur teksa fliste për ndarjen gjatë festës së Krishtlindjeve të organizuar nga Lily Allen në Londër.
“Olivia ishte shumë emocionale në festë kur po fliste për këtë. Miqtë e saj janë mbledhur rreth saj për ta mbështetur, por situata ka qenë e vështirë. Është vërtet e trishtë,” shtoi burimi.
Rodrigo dhe Partridge u lidhën për herë të parë në tetor 2023, kur u panë duke festuar Halloween-in së bashku në Londër. Sipas raportimeve të asaj kohe, ata u njohën përmes miqve të përbashkët dhe u bënë shpejt të pandashëm.
Gjatë lidhjes së tyre, çifti nuk e fshehu mbështetjen për njëri-tjetrin dhe shpesh u shfaqën publikisht duke treguar afrimitet. Ata bënë debutimin në tapetin e kuq si çift në premierën e filmit “Disclaimer” në Festivalin e Filmit në Venecia në gusht 2024.
Në një intervistë për Esquire UK në shtator, Partridge kishte treguar se ata po përpiqeshin të ishin më privatë për lidhjen e tyre, duke qenë të vetëdijshëm për presionin që vjen nga fama.
Para Partridge, Olivia Rodrigo ishte lidhur romantikisht me DJ-në dhe influencer-in Zack Bia, si edhe me producentin Adam Faze.
