Lapsi Video

Aplikacioni

Android iOS
Flash

Filipe Luis shtanget nga lojtari i tij para penalltive ndaj PSG: “Jo, nuk do ta bëj”

Lapsi.al 18 December 2025
Filipe Luis shtanget nga lojtari i tij para penalltive ndaj PSG: “Jo, nuk
PSG fitoi Kupën Interkontinentale 2025 duke mposhtur Flamengon në finale vetëm pas goditjeve të penalltive. Brazilianët i rezistuan kampionëve të fundit të Champions League, duke e çuar ndeshjen deri te “ruleta” e penalltive pas rezultatit 1-1, i cili mbeti i pandryshuar edhe pas kohës shtesë. Pak kush mendonte se Flamengo do të shkonte kaq larg, por skuadra e drejtuar nga Felipe Luis arriti t’i bëjë ballë fuqisë së kampionëve të Europës, duke qenë pranë surprizës edhe në minutat e fundit të ndeshjes. Megjithatë, para se të fillonin penalltitë, ndodhi një episod që u bë viral. Protagonist ishte Leo Ortiz, mbrojtësi 29-vjeçar dhe pjesë e Kombëtares braziliane të drejtuar nga Ancelotti. Në një video të publikuar në rrjetet sociale, shihet trajneri Filipe Luis që shkon te pankina dhe pyet një nga një lojtarët e zgjedhur për penalltitë nëse ndiheshin gati për të gjuajtur. Një pyetje me përgjigje thuajse të sigurtë, sepse rrallëherë dëgjohet një “jo”. Por Ortiz befasoi të gjithë, duke refuzuar me vendosmëri dhe duke e lënë trajnerin e tij pa fjalë.

Lexo më tej: Priti 4 penallti në 5, Safonov mundi Flamengon me truk: i kishte shkruar në peshqir

Pamjet e transmetuara në televizion tregojnë Filipe Luis që i afrohet dy lojtarëve në pankinë. Të parit i drejton pyetjen dhe merr një përgjigje pozitive. Më pas zhvendoset djathtas për t’i kërkuar Leo Ortiz të gjuante penalltinë, pasi ishte përzgjedhur mes pesë të parëve. Mbrojtësi, ndërkohë që pinte ujë nga një shishe, e ndalon menjëherë trajnerin: “No voy a patear”, që do të thotë: “Jo, nuk do ta gjuaj”. Trajneri mbetet i shtangur nga vendimi i lojtarit, i cili nuk lëviz nga vendi. Leo Ortiz qëndron ulur, duke e lënë pa fjalë edhe vetë Filipe Luis, i cili, me fytyrë të ngrysur, kthehet pa i dhënë asnjë përgjigje. Në fytyrën e tij lexohet një përzierje zemërimi dhe mosbesimi. Është e kuptueshme që një lojtar të mos ndihet gati për të gjuajtur penallti dhe, për të mirën e skuadrës, të tërhiqet. Por ndoshta Filipe Luis, nga një mbrojtës me përvojë si Ortiz, priste një reagim ndryshe, më shumë si lider.

Të këshilluara

ide

Keqkuptimi kryeministror mbi anti-korrupsionin

Fakti që asnjë institucion i administratës sonë publike nuk vuri re se u investuan miliona euro në inceneratorë fantazëm, se AKSHI kontrollohej nga një kriminel ordiner, se drejtorët e Bashkisë së Tiranës ia jepnin tenderat vetes, apo se drejtori i policisë dhe drejtoresha e SHISH punonin për Gysin, tregon se nuk kemi administratë publike dhe shtet

09:35 Blendi Kajsiu

Ana pozitive e ankthit prej të pandehuri të Edi Ramës

Paketa e ndryshimeve drastike në Kodin e Procedurës Penale, ndonëse buron nga halli i kryeministrit për të mbrojtur veten dhe bashkëpuntorët, krijon një mburojë tejet të gjërë për qytetarët, ndaj një drejtësie gjithnjë e më represive

13:23 Andi Bushati

MOTI TIRANA

10°c

KËMBIMI EURO

91.90

aktuale

Ndiqe Lapsin edhe në

Me interes nga publiku

Tek parku Rinia, një tjetër kullë që rivret qytetin

Lubonja: “Mund të konsiderohet si kulm në kuptimin e shkatërrimit urbanistik të qytetit, që përkon edhe me një kulm në kuptimin psikologjik të delirit të omnipotencës së Edi Ramës, me një kulm të babëzisë së oligarkëve që do të përfshihen aty dhe me një kulm të paturpësisë para qytetarëve të Tiranës të arkitektëve të Albanian Files,”

11:25 Blerina Gjoka

Me sytë katër

SPORT

Të tjerë artikuj

PAPARAZZI