Belinda Balluku u rikthye sot në mbledhjen e Grupit Parlamentar të Partisë Socialiste. Kjo ishte dalja e saj e parë publike pasi Gjykata Kushtetuese vendosi të pezullojë vendimin për pezullimin e saj nga detyra, që u mor nga gjyqtari Erion Cela.
Por sic duket dhe në këtë foto, por edhe nga dëshmi brenda mbledhjes, Balluku dukej gjatë gjithë kohës e ngrysur dhe në siklet.
Buzëqeshjet e saj ndaj kolegëve pothuajse munguan fare. Krahu i djathtë i Ramës erdhi në mbledhje, zuri vendin krah Elisa Spiropalit dhe më pas u largua sërish.
Natyrisht që goditja e saj nga drejtësia, marrja si e pandehur për aferën e tunelit të Llogarasë, shënon fillimin e fundit të karrierës së saj politike, jo vetëm të ambicies së pafshehur për të qenë pasuesja e Edi Ramës në krye të PS-së.
Ndonëse u rikthye si triumfaliste pas vendimit të Gjykatës Kushtetuese, Balluku e ndien peshën e rëndë të goditjes që ka marrë, e ndien se sa shumë ka të gëzuar brenda grupit të PS-së për shkërmoqjen e pushtetit të saj të ngritur me bekimin e Edi Ramës. ©LAPSI.al
