Lapsi Video

Aplikacioni

Android iOS
Flash

Bernardeschi shkon të përshëndesë tifozët e Juves: reagimi habit lojtarët e Bolonjës

Lapsi.al 15 December 2025
Bernardeschi shkon të përshëndesë tifozët e Juves:
Juventus fitoi në Bolonja dhe për një moment Spalletti ka arritur t’i japë sërish guxim një ambienti që edhe këtë sezon po sheh të rikthehen fantazmat e viteve të fundit mediokre të bardhezinjve. Juventus dëshiron të kthehet një ditë te sukseset e disa viteve më parë dhe te ajo skuadër që dukej e pathyeshme, pjesë e së cilës ishte edhe Federico Bernardeschi. Ta shihje përballë për tifozët e Juventus ishte si të ktheheshe pas në kohë dhe pikërisht për këtë arsye, ta ritakoje si kundërshtar në Bolonja ishte rasti ideal për ta nderuar. Bernardeschi nuk ishte pikërisht ajo legjendë që la gjurmë si Del Piero, Trezeguet, Nedved dhe shumë kampionë të tjerë që kanë shkruar historinë bardhezi. Por prania e tij u përjetua si e tillë nga tifozët e Juventusit. Bernardeschi, pra, si simbol i asaj Juve fituese dhe ndoshta edhe për këtë arsye, gjesti i tij për t’iu afruar tifozëve bardhezinj nën sektorin e stadiumit “Dall’Ara” ka habitur madje edhe shokët e skuadrës, të cilët kanë mbetur të palëvizur duke parë çfarë po ndodhte.

"Bernardeschi njëri nga ne"

Tifozët e Juventus e kanë thirrur me zë të lartë Bernardeschin, i cili po stërvitej në fushë në “Dall’Ara” me pjesën tjetër të lojtarëve që kishin pasur pak minuta kundër bardhezinjve, duke hyrë nga stoli. Fantazisti i emilianëve kalon tabelat reklamuese dhe shkon të marrë përqafimin dhe këngët e ish-tifozëve të tij. Lojtarët e Bolonjës e panë nga larg dhe vunë re madje edhe shallin e Juves që Bernardeschi kishte marrë dhe e kishte vendosur në qafë, duke e bërë atë moment edhe më të veçantë dhe emocional. “Njëri nga ne, Berna njëri nga ne”. Ky ishte kori i tifozëve të Juventus, të cilët e kanë vlerësuar jashtëzakonisht shumë gjestin e tij, i cili nuk ka pasur asnjë problem të marrë përqafimin e ish-tifozëve të tij. Asnjë mungesë respekti ndaj tifozëve të Bolonjës, por vetëm një takim i bukur me atë sektor bardhezi që nuk ka harruar një lojtar që ka ndarë dhomën e zhveshjes me shumë kampionë të një Juve fituese, që kishte në skuadër emra si Cristiano Ronaldo, Dybala dhe Higuain dhe që ka shkruar faqe historie të klubit bardhezi.

Të këshilluara

ide

Keqkuptimi kryeministror mbi anti-korrupsionin

Fakti që asnjë institucion i administratës sonë publike nuk vuri re se u investuan miliona euro në inceneratorë fantazëm, se AKSHI kontrollohej nga një kriminel ordiner, se drejtorët e Bashkisë së Tiranës ia jepnin tenderat vetes, apo se drejtori i policisë dhe drejtoresha e SHISH punonin për Gysin, tregon se nuk kemi administratë publike dhe shtet

09:35 Blendi Kajsiu

Ana pozitive e ankthit prej të pandehuri të Edi Ramës

Paketa e ndryshimeve drastike në Kodin e Procedurës Penale, ndonëse buron nga halli i kryeministrit për të mbrojtur veten dhe bashkëpuntorët, krijon një mburojë tejet të gjërë për qytetarët, ndaj një drejtësie gjithnjë e më represive

13:23 Andi Bushati

MOTI TIRANA

9°c

KËMBIMI EURO

91.90

aktuale

Ndiqe Lapsin edhe në

Me interes nga publiku

Tek parku Rinia, një tjetër kullë që rivret qytetin

Lubonja: “Mund të konsiderohet si kulm në kuptimin e shkatërrimit urbanistik të qytetit, që përkon edhe me një kulm në kuptimin psikologjik të delirit të omnipotencës së Edi Ramës, me një kulm të babëzisë së oligarkëve që do të përfshihen aty dhe me një kulm të paturpësisë para qytetarëve të Tiranës të arkitektëve të Albanian Files,”

11:25 Blerina Gjoka

Me sytë katër

SPORT

Të tjerë artikuj

PAPARAZZI