Salah kthehet në fushë për herë të parë pas shpërthimit të papritur të një jave më parë, që rrezikoi seriozisht marrëdhënien e tij me Liverpool. Egjiptiani ishte përjashtuar nga ndeshja e Champions League kundër Interit, por pas një bisede me Slot, u rikthye në listën e të grumbulluarve: ndaj Brightonit e nisi nga stoli, por u aktivizua në minutën e 26’ pas dëmtimit të Joe Gomez. Pikërisht në atë moment, i gjithë publiku i Anfield e bëri të qartë qëndrimin e tij për këtë çështje delikate.
Në momentin që hyri në fushë, të gjithë u ngritën në këmbë për ta duartrokitur dhe nga Kop, zemra më e zjarrtë e tifozërisë, nisi një kor në nder të tij. Është ndeshja e fundit e luajtur në shtëpi përpara nisjes drejt Kupës së Afrikës dhe dikush druhet se mund të jetë edhe e fundit e aventurës së tij me Reds, pasi ende nuk është e qartë nëse do të shitet në merkato në janar apo do të qëndrojë ende në Premier League.
Ovacioni i Anfield për rikthimin e Salah
Në këto ditë tifozët kanë pasur frikë nga më e keqja, por për momentin situata duket nën kontroll. Ka pasur bisedime mes lojtarit dhe Slot: Salah do të niset për Kupën e Afrikës dhe ndërkohë palët do të përpiqen të gjejnë marrëveshjen për të vazhduar së bashku deri në fund të sezonit, por nuk përjashtohet një shitje e bujshme muajin e ardhshëm. Për ndeshjen kundër Brighton u la sërish në stol, por u fut në minutën e 26’ për shkak të dëmtimit të Joe Gomez.
Në momentin e hyrjes së tij në fushë, stadiumi shpërtheu në një duartrokitje të madhe dhe tifozët nisën këngën e famshme që këndojnë prej vitesh. Lojtari arriti edhe të dhuronte asistin për golin e 2-0 të Ekitike, përshëndetja perfekte përpara nisjes drejt angazhimeve me Egjiptin. Për të gjithë publikun e Anfield, roli i tij si lider mbetet i paprekshëm dhe muaji janar pritet për të kuptuar se si do të përfundojë kjo histori.
