Java e gjashtë e Champions League parashikon nëntë ndeshje të mërkurën, dy prej të cilave, si zakonisht, u luajtën në orën 18:45. Qarabag flirtoi me fitoren para se të përmbysej 2-3 nga Ajax, ndërsa Villarreal e Copenhagen barazuan 2-2. Para ndeshjes së “Nëndetses së Verdhë” (Villarreal), futbollistët u pozicionuan në fushë duke pritur himnin e Champions League, por, çuditërisht, nga altoparlantët u dëgjuan notat e gabuara. E pabesueshme, por e vërtetë. Shikuesit, në stadium dhe përmes TV-së, dëgjuan himnin e Europa League. Futbollistët, të kapur nga kamerat, dukeshin të habitur.
Habia e futbollistëve për himnin e Europa League
Nuk është hera e parë që ndodh një gjë e tillë. Një vit më parë, më saktë në prill të sezonit të kaluar, i njëjti gabim ndodhi para ndeshjes Aston Villa-PSG, që ishte një ndeshje e kthimit e çerekfinaleve. Këtë herë ndodhi në Villarreal- Copenhagen. Pa dyshim diçka e çuditshme. Sepse himni i Champions League është diçka jashtëzakonisht e njohur. Për këtë arsye, edhe futbollistët e dy skuadrave u habitën duke dëgjuar notat, në vend të tij, të himnit të Europa League, i cili po bëhet gradualisht i njohur dhe i dallueshëm. Tifozët në tribunë, për mosdituri, brohoritën dhe fishkëllyen.
VILLARREAL-COPENHAGEN 2-3
Ndeshja midis Villarreal dhe Kopenhagen, që ishte pothuajse një “playoff” midis dy skuadrave në vështirësi në renditje, filloi më pas dhe skuadra daneze shënoi menjëherë golin e avantazhit me Elyounoussi (2’). Sapo filloi pjesa e dytë Comesaña barazoi rezultatin, ndërsa Achouri pas 60 sekondash riktheu avantazhin për Copenhagen. Nuk ka mbaruar sepse 2-2 u realizua nga Oluwaseyi që u duk se evitoi humbjen në shtëpi të spanjollëve, por Cornelius la pa pikë Villarreal, i parafundit me 0, ndërsa Copenhagen me 7 pikë është në zonën e playoff.
QARABAG-AJAX 2-4
Ajax rrëmben një fitore të rëndësishme në transfertë me Qarabag, duke rikuperuar dy herë rezultatin. Duran kaloi vendasit në avantazh, por Dolberg barazoi rezultatin në minutën e 39’, duke e lënë dramën për pjesën e dytë. Qarabag shënoi sërisht për avantazhin 2-1 sapo rinisi loja me Silva, duke zgjuar holandezët që në 10 minutat e fundit përmbysën gjithcka. Gloukh në minutën e 79’ barazoi në 2-2, pastaj Gaael bëri 3-2, përpara se Gloukh të fiksonte pokerin në minutën e fundit të kohës së rregullt.
