Lapsi Video

Aplikacioni

Android iOS
Flash

Norrköping bie nga kategoria, tifozët hedhin raketa: fusha merr flake, kaos në Suedi

Lapsi.al 1 December 2025
Norrköping bie nga kategoria, tifozët hedhin raketa: fusha merr flake,
Për herë të parë që nga viti 2010, IFK Norrköping bie në kategorinë e dytë pas një sfide të rëndë play-out të humbur kundër Örgryte IS (0-3). Një humbje që tifozët vendas e përjetuan me zemërim ekstrem, duke humbur plotësisht kontrollin gjatë ndeshjes. Në minutën e 86-të, pakënaqësia e tifozëve u shndërrua në kaos të vërtetë: u hodhën raketa dhe fishekzjarre drejtpërdrejt në fushë, duke shkaktuar zjarr në barin sintetik dhe në rrjetën e portës. Ndeshja u pezullua menjëherë për arsye sigurie. Kur loja tentoi të rifillonte, qetësia zgjati vetëm një minutë, përpara se objekte të tjera të hidheshin sërish në fushë dhe ndeshja të ndërpritej përsëri.

Norrköping: tifozët hedhin raketa dhe i vënë flakën fushës

Klima në stadium u bë aq e rrezikshme sa tifozët vendas u shoqëruan jashtë Nya Parken. Vetëm pas më shumë se dy orë e gjysmë ndërprerjesh, arbitri arriti të fishkëllejë fundin e ndeshjes, duke vulosur ngjitjen e Örgryte IS dhe rënien e IFK Norrköping. Drejtori i klubit, Andre Skagervik, dënoi ashpër sjelljen e tifozëve: “Edhe nëse bëhet fjalë për një pakicë, është krejtësisht e papranueshme. Ky lloj veprimi rrezikon lojtarët, arbitrat dhe publikun.” IFK Norrköping njoftoi se do të bashkëpunojë me autoritetet për të identifikuar përgjegjësit dhe për të marrë masa të përshtatshme. Kjo mbrëmje do të mbetet në analet e futbollit suedez si një nga më të trazuara të viteve të fundit, duke kujtuar se si pasioni i tifozëve, kur del jashtë kontrollit, mund të shndërrohet në rrezik real.

Të këshilluara

ide

Keqkuptimi kryeministror mbi anti-korrupsionin

Fakti që asnjë institucion i administratës sonë publike nuk vuri re se u investuan miliona euro në inceneratorë fantazëm, se AKSHI kontrollohej nga një kriminel ordiner, se drejtorët e Bashkisë së Tiranës ia jepnin tenderat vetes, apo se drejtori i policisë dhe drejtoresha e SHISH punonin për Gysin, tregon se nuk kemi administratë publike dhe shtet

09:35 Blendi Kajsiu

MOTI TIRANA

23°c

KËMBIMI EURO

91.79

aktuale

Ndiqe Lapsin edhe në

Me interes nga publiku

Tek parku Rinia, një tjetër kullë që rivret qytetin

Lubonja: “Mund të konsiderohet si kulm në kuptimin e shkatërrimit urbanistik të qytetit, që përkon edhe me një kulm në kuptimin psikologjik të delirit të omnipotencës së Edi Ramës, me një kulm të babëzisë së oligarkëve që do të përfshihen aty dhe me një kulm të paturpësisë para qytetarëve të Tiranës të arkitektëve të Albanian Files,”

11:25 Blerina Gjoka

Me sytë katër

SPORT

Të tjerë artikuj

PAPARAZZI