Në një video pyetjesh dhe përgjigjesh të publikuar në rrjetet sociale, Simone Biles vendosi të trajtojë hapur temën e ndërhyrjes së saj të fundit në gjoks pas zërave të ditëve të fundit. Në TikTok, kampionia amerikane tregoi kur dhe pse vendosi t’i nënshtrohej operacionit dhe çfarë ndodhi menjëherë pas. “Ia bëra gjoksin më 16 qershor”, nisi ajo.
Simone Biles, ndërhyrja në gjoks
Në video, Biles shpjegon se i është besuar një kirurgu plastik në Houston, Texas. Së bashku kanë shqyrtuar të gjitha zgjidhjet e mundshme për të marrë një rezultat natyral. Në fund u zgjodh vendosja nën muskul, ideale si për arsye estetike ashtu edhe për formimin fizik të atletes. 28-vjeçarja tregoi më pas se kishte zgjedhur proteza silikoni “të profilit të lartë”, edhe pse ka pasur pak tërheqje e shtyrje lidhur me volumin. “Ishim të pavendosur mes 310cc dhe 330cc, por 330cc nuk do të hynin.”
Faza e vështirë pas operacionit
Pjesa më e vështirë, shpjegoi Simone Biles, ishte periudha pas operacionit, dukshëm më e gjatë dhe më e lodhshme se sa e kishte imagjinuar. “Vajza, nuk i keni thënë të gjitha. Dhemb tmerrësisht, nuk isha në gjendje të lëvizja vetë”, rrëfen duke qeshur. Dhimbja ia vështirësonte edhe lëvizjet më të zakonshme dhe, gjatë ditëve të para, ishte burri i saj Jonathan Owens që e ngrinte nga shtrati për ta shoqëruar në banjë. Në total, u deshën disa javë pushim i plotë.
Tronditja e Simone Biles pas operacionit
Nuk ishte e thjeshtë në fillim. “U tremba për vdekje”, shpjegon mbretëresha e gjimnastikës. “Më rrinë deri në fyt, duhet t’i hiqni dhe të më vendosni më të vogla”, u kishte thënë mjekëve. “Në fillim më dukej sikur kisha dy alienë.” Pas pak stabilizimi, megjithatë, trupi u sistemua: “Tani janë perfekte”, thotë sot Biles me një buzëqeshje të gjerë.
