Kryetari i Lëvizjes Bashkë i ka bërë thirrje kryeministrit Rama të japë dorëheqjen.
Qori ka reaguar dy herë në Facebook që pas masave të sigurisë që ndërmorri GJKKO ndaj Belinda Ballukut, të cilën e pezulloi nga detyra dhe i bllokoi pasaportën.
"Edi Rama sillu një herë të vetme si i rritur në jetën tënde politike dhe jep dorëheqjen! Le ta vendosë populli në kushte të barabarta se kush do ta qeverisë në katër vitet e ardhshme" - shkroi Qori në Facebook.
Në një reagim tjetër, kreu i Lëvizja Bashkë u shpreh se Presidenti Begaj duhet të shpallë zgjedhjet e parakohshme ditën e nesërme.
"Edi Rama duhet të japë dorëheqjen sot.
Presidenti i Republikës duhet të shpallë datën e zgjedhjeve të parakohshme nesër.
Vendi ynë meriton të qeveriset me ndershmëri dhe kompetencë" - deklaroi Arlind Qori. ©Lapsi.al
