Meghan Trainor ka reaguar ndaj atyre që e “sulmojnë” për humbjen në peshë, duke theksuar se është më e shëndetshme se kurrë.
“Për herë të parë ndonjëherë, pas lindjes së fëmijëve, po kujdesem për shëndetin tim dhe nuk jam ndier kurrë më mirë. Dhe dukem e mrekullueshme,” tha ajo për Entertainment Tonight të mërkurën.
Këngëtarja 31-vjeçare shtoi se pikërisht tani që ndihet më mirë fizikisht e emocionalisht, kritikat janë bërë “më të forta” dhe “më të pamëshirshme”.
“Unë po kujdesem për veten time,” theksoi ajo. “Duhet të gjej mënyrën që të mos ndikohem nga kjo.”
Trainor shpjegoi se ka mësuar të ushqehet më shëndetshëm dhe është bërë gluten-free dhe dairy-free për shkak të një problemi të zorrëve. Ajo gjithashtu është dashuruar me stërvitjen.
Këngëtarja publikoi këtë javë edhe këngën e re, “Still Don’t Care”, ku i përgjigjet drejtpërdrejt atyre që e kanë kritikuar si kur ishte “shumë e shëndoshë”, ashtu edhe tani që “është shumë e dobët”.
“Njerëzit mund të thonë çfarë të duan… kjo është ajo që kam dëgjuar gjithë jetën,” këndon ajo në projektin e ri.
Trainor e bëri publike humbjen drastike të peshës në mars, kur pranoi se kishte përdorur Mounjaro — një injeksion GLP-1 i njohur me emrin tirzepatide — për t’i ardhur në ndihmë procesit të rënies nga pesha.
