Misteri rreth fotove të zhdukura nga festa e ditëlindjes së 70-të të Kris Jenner po bëhet edhe më i madh.
Burime për Page Six thonë se një përfaqësues i Princit Harry dhe Meghan Markle ka kërkuar nga Kris Jenner dhe Kim Kardashian të fshijnë fotot e publikuara në Instagram, ku shfaqeshin Duka dhe Dukesha e Sussex-it në festën superluksoze.
“Nuk duan të zemërojnë familjen mbretërore ndërsa po përpiqen të pajtohen me ta,” tha një burim.
Një tjetër arsye e mundshme për fshirjen e imazheve lidhet me Ditën e Përkujtimit në Britani, pasi Harry mbante një lule të kuqe “poppy”, simbol nderimi për ushtarët e rënë.
Ndërkohë, më parë ishte raportuar se brenda pallatit mbretëror, dalja e çiftit në një festë kaq glamuroze është konsideruar “e pavend” dhe “shumë ekstravagante”.
Edhe pse Harry dhe Meghan e dinin që do të fotografoheshin jashtë festës, duket se nuk prisnin që fotot nga ambientet e brendshme të bëheshin publike — sidomos pasi ftesa e festës paralajmëronte se telefonat do të ndaloheshin gjatë eventit.
Festa me temë “James Bond” u mbajt në vilën 165 milionë dollarëshe të Jeff Bezos në Beverly Hills dhe kishte një listë të ftuarish: Beyoncé dhe Jay Z, Mark Zuckerberg, Oprah Winfrey, Chris Rock, Mariah Carey, Adele, Tyler Perry, Snoop Dogg, Paris dhe Kathy Hilton, Vin Diesel e shumë të tjerë.
