Kryeministri Edi Rama, zhvilloi sot një dëgjesë me banorët e Tiranës në Njësinë 5, ku foli për angazhimin e qeverisë për të qenë më pranë komuniteteve dhe për zbatimin e premtimeve të dhëna para zgjedhjeve.
Rama është shprehur se të gjithë pensionistët do ta marrin bonusin e fundvitit para festave të dhjetorit.
"Pensionistët do të marrin bonusin që kanë marrë dhe që u është premtuar dhe këtë vit e do ta marrin përsëri, përpara Vitit të Ri. Bonusi do të shpërndahet përpara festave. Nga janari do të nisë rritja e masës që do të merrni me një progresion.
Pensioni i plotë urban do të bëhet 40 mijë lekë. Pensionet do rriten progresivisht çdo muaj e çdo vit. Pensioni i plotë rural do të shkojë në 18 mijë lekë. Pensioni gjithashtu do të indeksohet.
Vetëm për indeksimin do shpenzohet vit pas viti një shumë e konsiderueshme. Vetëm për pensionistët në katër vitet e ardhshme do shpenzohen 1.7 miliard euro.", tha Rama.
