Këngëtarja Alexandra Kay ka vendosur të sqarojë zërat që qarkullojnë për një lidhje romantike mes mikeshës së saj, Maggie Baugh, dhe Keith Urban, pas ndarjes së këtij të fundit nga Nicole Kidman.
Në një intervistë për Taste of Country, Kay u shpreh se mes kitaristes 25-vjeçare dhe këngëtarit 57-vjeçar nuk ekziston asnjë romancë.
“Sinqerisht, më ka ardhur keq për ta, sepse presioni i mediave është i çmendur dhe njerëzit thonë gjëra të pabaza,” tha ajo. “Po shpikin thashetheme për Maggie Baugh, por ajo është një mike e mirë dhe e di që kjo nuk është aspak e vërtetë.”
Kay shtoi gjithashtu:
“E kam takuar të dashurin e saj, është shumë e lumtur dhe nuk ka asnjë lidhje me Keith Urban.”
Këngëtarja e njohur theksoi se ndien keqardhje për gjithë palët e përfshira dhe shpreson që “të gjithë të gjejnë paqe dhe privatësi”.
Ndërkohë, babai i Maggie Baugh ka reaguar për Daily Mail, duke i cilësuar zërat si të pavërtetë:
“Nuk di asgjë për këtë, përveç faktit që ajo është kitariste në grupin e tij. Marrëdhënia e tyre është thjesht profesionale.”
Pas ndarjes së bujshme, Keith është rikthyer në skenë, duke performuar për herë të parë pas lajmit në Hershey, Pensilvani – pa praninë e Baugh.
Thashethemet për një lidhje mes tyre nisën pasi Nicole Kidman, 58 vjeç, depozitoi kërkesën për divorc muajin e kaluar, duke përmendur “mospërputhje të papajtueshme”.
Burime për TMZ kanë pohuar se rrethi i afërt i çiftit beson se Urban mund të jetë i përfshirë me një tjetër grua, megjithëse Kidman ende nuk e ka konfirmuar.
Çifti, që u martua në vitin 2006, ka dy vajza: Sunday (17 vjeç) dhe Faith (14 vjeç).
Sipas mediave amerikane, Kidman dhe Urban kanë rënë dakord për një plan kujdestarie ku vajzat do të qëndrojnë 306 ditë me nënën dhe 59 ditë me babain, ndërsa vendimet e rëndësishme do t’i marrin bashkë.
