Dove Cameron, duket se është fejuar me këngëtarin e grupit Måneskin, Damiano David, pas dy vitesh lidhjeje. Aktorja u fotografua në Sidnej, Australi, duke mbajtur një unazë diamanti në dorën e saj, në foto të publikuara nga TMZ.
Vetëm pak ditë më parë, aktorja e njohur kishte shpërndarë një postim emocional në Instagram, duke festuar dyvjetorin e lidhjes me Damianon:
“Dy vitet më të mira të jetës sime. Qaj nga lumturia të paktën një herë në javë sepse jeta është bërë kaq e bukur me ty në të,” – shkroi ajo. Këngëtari italian iu përgjigj në koment: “Pjesa më e mirë e të qenit gjallë”.
Dove dhe Damiano u përfolën për herë të parë si çift në shtator 2023, kur ajo u pa në koncertin e grupit Måneskin në Madison Square Garden, Nju Jork. Lidhja e tyre u konfirmua zyrtarisht në shkurt 2024, kur u shfaqën së bashku në tapetin e kuq të mbrëmjes gala të Clive Davis para çmimeve Grammy.
Kujtojmë që Cameron ka qenë më parë e fejuar me aktorin Ryan McCartan, me të cilin ka qenë në lidhje nga 2013 deri në 2016.
