Tragjedi në Turqi, ndërsa autoritetet kanë nxjerrë trupat e dy fëmijëve nga rrënojat e një ndërtese 7-katëshe që u shemb këtë mëngjes në Turqi në zonën Mevlana Mahallesi të qytetit Gebze, në provincën Kocaeli. Nga shembja, një familje me pesë anëtarë u bllokua nën rrënoja.
Shembja ndodhi rreth orës 07:30 të mëngjesit në rrugën Isikgel, ndërsa arsyet nuk dihen ende.
Forca të policisë, zjarrfikësve, AFAD (Agjencia e Mbrojtjes Civile) dhe ekipet e shpëtimit kanë nxituar në vendngjarje, duke marrë pjesë në kërkimin e të mbijetuarve. Në momentin kur ndodhi shembja, në banesë ishin prindërit, 44 dhe 37 vjeç, dhe tre fëmijët e tyre, 12, 14 dhe 18 vjeç, ndërsa fatkeqësisht dy prej fëmijëve humbën jetën.
