Katy Perry dhe ish-kryeministri i Kanadasë, Justin Trudeau, duket se janë zyrtarisht çift! Dyshja u shfaq për herë të parë publikisht si partnerë të shtunën, më 25 tetor, gjatë një mbrëmjeje në Paris.
Sipas TMZ, Perry dhe Trudeau morën pjesë në një shfaqje kabareje në “Crazy Horse Paris” për të festuar ditëlindjen e 41-të të këngëtares së hitit “Dark Horse”. Në fotot e publikuara, ata shihen duke dalë nga teatri duke mbajtur duart dhe buzëqeshur, teksa kalojnë një mbrëmje romantike në kryeqytetin francez.
Thashethemet për lidhjen e tyre nisën gjatë verës, kur Perry dhe Trudeau u panë për herë të parë në një takim në Montreal, Kanada. Në atë kohë, Perry sapo ishte ndarë nga ish-i fejuari i saj, Orlando Bloom, në qershor, ndërsa Trudeau ishte ndarë nga bashkëshortja Sophie Grégoire në vitin 2023, pas 18 vitesh martesë.
Në muajin shtator, ata u fotografuan duke u përqafuar dhe puthur në një jaht pranë brigjeve të Santa Barbarës, duke konfirmuar gjithnjë e më shumë lidhjen e tyre.
Një burim për People zbuloi se Trudeau ka qenë “ai që e ka ndjekur” këngëtaren, madje ka fluturuar deri në Kaliforni për ta takuar gjatë pushimeve të saj nga turneu. “Ajo e gjen atë tërheqës dhe ai ka qenë gjithmonë shumë i respektueshëm,” – tha burimi.
