Udhëtimi i Atletico Madrid drejt Londrës filloi me parashikime të këqija: pasi zhvilluan stërvitjen përfundimtare në stadiumin e Arsenal, lojtarët vunë re se nuk kishin ujë të ngrohtë në dhomat e zhveshjes për të bërë dush. Një problem mjaft i rëndësishëm, duke pasur parasysh se kishin zhvilluar gjithë stërvitjen nën shiun tipik të Londrës dhe në një të ftohtë padyshim jo të këndshëm. Për këtë arsye, Simeone paraqiti një ankesë zyrtare në UEFA për të denoncuar situatën që duket absurde në një stadium modern si Emirates. I gjithë ekipi u kthye në hotel me rrobat e stërvitjes ende të lagura për t’u ndërruar.
Aventura e keqe e Atletico Madrid në Londër
Ekipi spanjoll u përball me një ngjarje të pakëndshme menjëherë pas stërvitjes përfundimtare të zhvilluar në Emirates ditën para ndeshjes së Champions League kundër Arsenal. Në dhomat e zhveshjes nuk kishte ujë të ngrohtë për të bërë dush, një problem për lojtarët që kishin kryer gjithë seancën nën shiun e Londrës: si raporton Marca në orën 18:45, ata i kanë bërë të ditur shqetësimin anglezëve, për të vazhduar më pas stërvitjen për pjesën e dytë deri në orën 19:15, por gjysmë ore nuk mjaftoi për të rikthyer ujin e ngrohtë dhe për t’i mundësuar gjithë skuadrës të bëjë dush brenda stadiumit.
Lexo më tej: Champions 'ndez' motorët, Arsenal prova force me Atletico: në fushë edhe City e PSG
Për këtë arsye, Atletico Madrid u kthye me vrap në hotel dhe paraqiti një ankesë zyrtare në UEFA për situatën në të cilën u gjend, mjaft absurde për nivele të tilla. Nuk ishte një strategji e Arsenal, i cili nuk dinte asgjë për këtë incident dhe arriti ta rregullojë vetëm në orën 19:25, kur spanjollët tashmë kishin lënë stadiumin. Gunners kërkuan falje zyrtarisht për atë që ndodhi, duke hequr çdo ide se mund të ishte një strategji për të destabilizuar skuadrën e teknikut Simeone para ndeshjes së Champions League.
