Joe Jonas ka folur hapur për jetën e tij aktuale romantike në një intervistë të fundit për Esquire, ku pranoi se takimet nuk janë prioritet gjatë turneut të grupit.
“Pesë koncerte rresht nuk e bëjnë të lehtë të takosh dikë për kafe,” u shpreh ai, duke theksuar se koncerter nuk i lënë shumë hapësirë për jetën personale.
Edhe pse nuk përdor aplikacione për takime siç është Tinder apo Hinge, Jonas pranoi se ka njohur njerëz përmes rrjeteve sociale si Instagram dhe TikTok. “Mund të them që janë aplikacione gjithsesi, apo jo?” tha ai me humor.
Kjo deklaratë vjen dy vite pas ndarjes së tij nga aktorja Sophie Turner, me të cilën ka qenë i martuar për dy vite dhe ka dy vajza: Willa (5 vjeçe) dhe Delphine (3 vjeçe). Çifti finalizoi divorcin në shtator 2024, pas një beteje të gjatë për kujdestarinë.
Ndërkohë që Turner ka nisur një lidhje të re me aristokratin britanik Peregrine Pearson, Jonas ka pranuar se kthimi në botën e takimeve ka qenë “frikësues dhe sfidues”.
Në një transmetim të TalkShopLive në maj, ai theksoi: “Është në rregull të rrezikosh dhe t’i japësh vetes një mundësi tjetër. Duhet të vendosësh veten atje jashtë.”
