Një zjarr përfshiu një shtëpi në Maliq, ku nëna dhe dy vajzat morën plagë të rënda. Sipas policisë, nëna që u transportuar drejt spitalit të Korçës për shkak të zjarrit në banesë e saj ka ndërruar jetën. Ende nuk dihen rrethanat e këtij zjarri.
Por thuhet se viktima ka ndërruar jetën, nga asfiksimi nga tymi. Në këtë ngjarje kanë mbetur të plagosur dy fëmijët e viktimës.
Autoritetet po hetojnë rrethanat dhe po neutralizojnë flakët në banesë.
Informacion paraprak:
Rreth orës 13:30, në bllokun nr. 3, Maliq, ka rënë zjarr në banesën e shtetasit V. A.
Si pasojë janë dëmtuar dhe janë dërguar menjëherë për ndihmë shëndetësore në spital shtetasja M. A. dhe dy fëmijët e saj të mitur, 14 dhe 6 vjeç.
Dyshohet se si pasojë e asfiksisë shtetasja M. A., ka ndërruar jetë në spital.
Shërbimet e Policisë dhe ato zjarrfikëse bënë të mundur shuarjen e zjarrit.
Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit dhe dokumentimin ligjor të rastit.
