Gjykata ka caktuar masat e sigurisë për 14 të arrestuarit në operacionin në Elbasan, ku vetëm një prej tyre u la i lirë, ndërsa të tjerët u lanë në 'arrest me burg', 'detyrim paraqitje' dhe 'arrest shtëpie'. Operacioni u zhvillua gjatë kësaj jave në një lokal pranë segmentit rrugor Elbasan–ish-Metalurgji, në fshatin Katund i Ri. Arrestimet u realizuan si rezultat i një operacioni policor të koduar “Fast”, i cili u zhvillua nën drejtimin e Prokurorisë së Rrethit Gjyqësor Elbasan.
Sipas policisë të arrestuarit rezultojnë me precedentë penalë të theksuar në fushën e krimeve kundër personit dhe narkotikëve, duke përbërë rrezikshmëri të lartë shoqërore. Të arrestuarit janë, Ergys Tusha, Hanson Mullahi, Akil Kërtusha, Maksim Suçi, B. M., (sipërmarrës); Jurges Mullai, Arjan Dada, Endri Dada, Taulant Zykollari, Stefan Memelli, Egi Caushi, Ervin Cani, Blerim Heta, banues në Itali dhe një 17-vjeçar, Juxhino Zykollari, djali i pronarit të lokalit.
Masa “arrest në burg”
Akil Kërtusha
Egi Caushi
Maksim Suçi
Stefan Memelli
Masa “arrest shtëpie”
Ergys Tusha
Ansen Mullai
Masa “detyrim paraqitje”
Ervin Cani
B.M.
Jurges Mullai
Blerim Heta
Taulant Zykollari
Arjan Dada
Endri Dada
17-vjeçari Juxhino Zykollari, pa masë sigurimi
Sendet e sekuestruara:
• 3 armë zjarri (pistoleta) dhe municion luftarak
• Dorezë elektroshoku (neuroparalizuese)
• 4 radio të ngjashme me ato të Policisë
• Jelek me mbishkrimin “Policia”
• Objekte që ngjajnë me armë zjarri dhe sinjalizues në formë pistolete
• Thikë, shkop metalik
• Shuma të konsiderueshme parash, 4 automjete, 13 celularë dhe pajisje DVR
Prokuroria ka dokumentuar veprimtarinë e tyre kriminale dhe ka ngritur akuza për një sërë veprash penale, të kryera në bashkëpunim, përfshirë:
• “Prodhimi dhe mbajtja pa leje e armëve luftarake dhe municionit”
• “Kundërshtimi i punonjësit të policisë së rendit publik”
• “Moskallëzimi i krimit”
• “Veprime që pengojnë zbulimin e së vërtetës”
• “Përkrahja e autorit të krimit”
• “Mbajtja pa të drejtë e uniformës”
• “Prodhimi, mbajtja, blerja apo shitja pa leje e armëve të ftohta”
