Tekniku i Inter Chivu injoron Juventus-Milan: “Kam mbrëmjen e lirë, do shikoj NFL”

Cristian Chivu është shumë i kënaqur me fitoren e Interit 4-1 ndaj Cremoneses dhe, kur e pyesin nëse do ta ndjekë Juventus-Milan, përgjigjet kështu: “Nesër kam mbrëmjen e lirë, do të shikoj NFL.” Zikaltërit do të shijojnë një natë në krye të renditjes në pritje që të përfundojë java e gjashtë e Serie A. Trajneri zikaltër foli kështu për DAZN lidhur me paraqitjen bindëse të skuadrës së tij në ndeshjen hapëse në Meazza dhe për fitoren e pestë radhazi të Lautaros dhe shokëve të tij: “Gjithmonë mund të përmirësohesh. Duhet të jemi të vetëdijshëm dhe të kënaqur për atë që po bëjmë. Rritja dhe dëshira vijnë nëpërmjet hapave. Po japim vazhdimësi. Sot ishte bukur dhe më bëri shumë qejf të shoh këtë skuadër të luajë dhe të shoh se sa shumë është kënaqur.”

Chivu ball ⚽ pic.twitter.com/mON4KcUwyE

— Inter ⭐⭐ (@Inter) October 4, 2025

Chivu: “Përsosmëria nuk ekziston”

Sërish në lidhje me paraqitjen e skuadrës së tij, trajneri rumun deklaroi: “Përsosmëria nuk ekziston, përpiqemi të bëjmë gjërat e duhura dhe të argëtohemi. Sot bëmë gjithçka, por unë gjithmonë duhet të gjej diçka për t’i thënë skuadrës, dhe me siguri do ta gjej.” Elogji për Bonny, i cili për herë të parë e nisi ndeshjen si titullar dhe u shpall MVP i ndeshjes pasi dha një paraqitje shumë të rëndësishme: “Jam i lumtur, bëri një paraqitje të mirë. I gjithë grupi është i lumtur për përfshirjen e Espositos dhe Bonny në skuadër, edhe djemtë e tjerë të rinj po bëjnë mirë.” Në fund, Cristian Chivu tha disa fjalë edhe për frustrimin e shprehur nga Denzel Dumfries pas zëvendësimit në fillim të pjesës së dytë: “Dumfries i zemëruar për zëvendësimin? Bën mirë, duhet të jetë i zemëruar. Kush zëvendësohet duhet të jetë i zemëruar me mua, me botën, me kë të dojë. Një goditje topit nuk do të thotë asgjë, Denzel është i rëndësishëm për ne, për futbollin, për Holandën.”