Fansat e Taylor Swift janë të bindur se këngëtarja ka thumbuar Charli XCX në këngën e re “Actually Romantic”, pjesë e albumit të saj më të ri “The Life of a Showgirl”.
Kënga është zbuluar online përpara publikimit zyrtar të albumit më 3 tetor, dhe Swifties (fansat e Taylor) kanë shpërthyer në diskutime në Reddit dhe X (ish-Twitter), duke spekuluar për një varg të veçantë:
“Më the Boring Barbie kur koka*ina të jep guxim”
Ky varg është parë si një thumb i drejtpërdrejtë ndaj Charli XCX, e cila ka folur hapur për përdorimin e substancave në tekstet e saj muzikore.
Taylor Swift, 35 vjeç, dhe Charli XCX, 33 vjeç, dikur kishin marrëdhënie të ngushtë. Charli e hapi turneun e famshëm Reputation të Taylor në 2018 dhe madje performuan bashkë këngën “Shake It Off”.
Por raportet e tyre u ftohën kur Charli u afrua më shumë me ish-të dashurin e Swift, Matty Healy – frontmeni i grupit The 1975. Charli është martuar me anëtarin tjetër të grupit, George Daniel, dhe thuhet se ka qenë ajo që e prezantoi Matty-n me të fejuarën e tij aktuale, modelen Gabriette Bechtel.
Spekulimet për tensione mes dy yjeve nisën që në vitin 2024, kur disa fansa menduan se kënga e Charli-t “Sympathy is a Knife” ishte një diss për Swift. Por Charli e mohoi publikisht këtë në TikTok:
“Kam parë që disa mendojnë se ka këngë ‘diss’ në ‘Brat’. Dua të sqaroj se nuk janë – përveç ndoshta ‘Von Dutch’. Këngët tjera nuk janë për askënd konkret. Thjesht flasin për kompleksitetin e të qenurit artiste femër, ku gjithmonë të krahasojnë me të tjerat, por në të njëjtën kohë pritet të jeni mike me të gjitha.”
Pavarësisht thashethemeve, vetë Taylor Swift ka folur me superlativa për Charli XCX. Në një intervistë për Vulture në gusht 2024, ajo u shpreh:
“Që kur dëgjova për herë të parë ‘Stay Away’ në 2011, kam qenë e mahnitur nga ndjeshmëria melodike e Charli-t. Ajo është e guximshme, origjinale dhe e paparashikueshme në shkrim.”
