Shtëpia e Bardhë ka reaguar ekskluzivisht për Top News pas batutës së kryeministrit Rama për presidentin Donald Trump, një shaka e bërë në praninë e presidentit të Francës, Macron dhe Presidentit të Azerbajxhanit, Aliyev.
Pyetur nga gazetari i Top News Xhoi Malësia nëse komentet e Rames janë marrë në kontekst negativ ose ndikojnë në marrëdhëniet dypalëshe, Nënsekretarja e Shtypit ne Shtëpinë e Bardhe, Anna Kelly, dha përgjigje krejtësisht diplomatike.
“Presidenti Trump ka bërë më shumë për stabilitetin global, se sa çdo lider tjetër në botë!” - thuhet në reagim.
LEXO EDHE: Batutat e Ramës për Trump/ Si doli foto e McGonigal në zyrën e tij në kryeministri?
Batuta e Ramës në prani të dy lidereve të tjerë u përshkruan si ‘tallëse’ nga disa prej mediumeve më prestigjioze të botes, por ishte vetë Kryeministri i cili përgënjeshtroi duke thënë se një moment gazmor është tjetërsuar me qëllime dashakeqe.
LEXO EDHE: Si tallja me Trump u bë virale dhe pse “shakaxhiu” Rama u pendua
Vetë Rama përmendi gjithashtu rendimentin pozitiv të Trump për t’u angazhuar në zgjidhjen e konflikteve. /Marrë nga Top Channel
