Kim Kardashian dhe nëna e saj, Kris Jenner, kanë nisur një proces gjyqësor kundër Ray J për shpifje, pas pretendimeve që ai bëri se po bashkëpunon me autoritetet federale për të ngritur një çështje RICO kundër tyre.
Në padinë, që Page Six e ka siguruar, thuhet:
“I paaftë të pranojë fundin e marrëdhënies së tij kalimtare me zonjushën Kardashian para më shumë se 20 vjetësh, Ray J ka përpjekur vazhdimisht t’i shfrytëzojë emrat e tyre për përfitim personal.”
Në maj, Ray J deklaroi në dokumentarin “TMZ Presents: United States v. Sean Combs: Inside the Diddy Trial” se “do të ishte e përshtatshme të ngriheshin akuza për organizatë kriminale ndaj Kardashianve,” duke shtuar:
“Nëse do të më thoshin se Kardashianët po akuzoheshin për organizatë kriminale, do të mund ta besoja.”
Në dokumentin ligjor, Kardashian dhe Jenner argumentojnë se Ray J nuk ka paraqitur asnjë provë për pretendimet e tij shpërthyese, të cilat ata i quajnë “falsitete të hapura dhe të llogaritura.” Sipas padisë, nuk ekziston asnjë hetim federal, asnjë akuzë e ngritur dhe asnjë provë bindëse që mbështetë pretendimet e tilla.
Ray J (44) ka insistuar së fundmi në një transmetim live se “RICO federale që po përgatit për Kim dhe Kris do të jetë çmenduri. Autoritetet po vijnë.” Ai tha se çështja ndaj Kardashianëve do të jetë “më e tmerrshme se ajo e Diddy-t.”
Përfaqësuesi ligjor i Kardashian dhe Jenner, Alex Spiro, tha për Page Six:
“Kris Jenner dhe Kim Kardashian nuk kanë bërë kurrë më parë një padi për shpifje, dhe nuk janë shpërqendruar kurrë nga zhurma, por kjo akuzë e rreme dhe serioze nuk la tjetër zgjedhje.”
