Selena Gomez i ka dhënë fund beqarisë, duke u martuar me producentin muzikor Benny Blanco, në një ceremoni të mbajtur në Santa Barbara, Kaliforni.
Selena zbuloi lajmin për fansat përmes Instagramit të shtunën mbrëma, ku publikoi disa foto dhe video nga dita e madhe.
[embed]https://www.instagram.com/p/DPH6AbikoLG/[/embed]
Çifti u martua në kopshtin luksoz “Sea Crest Nursery”, përballë detit, në praninë e rreth 170 të ftuarve, mes tyre emra të njohur si Taylor Swift, aktorët e serialit “Only Murders in the Building” Steve Martin, Martin Short dhe Paul Rudd, si dhe Paris Hilton, Ed Sheeran dhe aktori David Henrie nga koha e “Wizards of Waverly Place”.
Dasma u organizua me shumë kujdes dhe siguri maksimale, pasi informacionet për vendin dhe datën ishin zbuluar më herët. Ftesat ishin të punuara me dorë, me inicialet “S” dhe “B” të ndërlidhura dhe një degë të vogël lulesh që simbolizonin dashurinë dhe pastërtinë. Të ftuarit u vendosën në hotelin luksoz El Encanto, me çmim 3,500 dollarë nata.
Selena dhe Benny u përfolën për herë të parë si çift në korrik 2023, kur ai mori pjesë në ditëlindjen e saj. Gjashtë muaj më vonë, Selena konfirmoi lidhjen me një koment në Instagram: “Fakte.”
Në dhjetor 2024, çifti shpalli fejesën me një postim të ëmbël ku Selena tregonte unazën me diamant. Blanco e kishte dizenjuar vetë unazën me simbole të veçanta që përfaqësonin lidhjen e tyre.
