Presidenti Donald Trump ka hequr foton e paraardhësit të tij Joe Biden nga "Shëtitorja e Famës Presidenciale" në Shtëpinë e Bardhë. Pamja më lart u publikua nga asistentja speciale e presidentit dhe këshilltarja e komunikimit Margo Martin në një postim në X.
Ajo nxori një video në të cilën shfaqeshin portretet bardh e zi të presidentëve në korniza ari. Në vend të fotos së Biden ishte një imazh i “autopen”. Kjo është një makineri që përdoret për të firmosur dokumente në seri nga zyrtarët e lartë dhe që Biden e autorizoi në fund të mandatit të tij.
Trump e ka akuzuar Biden se gjatë presidencës së tij nuk i merrte më ai vendimet. Biden i ka hedhuir poshtë pretendimet. "Më lejoni të jem i qartë: Unë i mora vendimet gjatë presidencës sime. Unë mora vendimet për faljet, urdhrat ekzekutivë, legjislacionin dhe shpalljet. Çdo sugjerim se nuk e bëra unë është qesharak dhe i rremë" – deklaroi Biden.
Trump ka zhvendosur edhe portretet e presidentëve të tjerë, përfshirë Barack Obamën dhe George W. Bush dhe e ka zëvendësuar portretin e ish-zonjës së parë Hillary Clinton me një të tijën. ©LAPSI.al
