Komisioni i Ligjeve ka marrë vendimin për të rrëzuar kërkesën e kryebashkiakut Erion Veliaj për të marrë pjesë në mbledhjen e Këshillit Bashkiak. Vendimi që Veliaj të mos dëgjohet sot në mbledhjen e Këshillit Bashkiak u mor vetwm me votat e këshilltarëve të Partisë Socialiste.
Ndërkohë që në orën 16:00 do të mblidhet Këshilli Bashkiak në Tiranë për të votuar për shkarkimin e Veliajt si kryetar bashkie. Veliaj ka kërkuar që të marrë pjesë në mbledhje dhe të ketë mundësi që të flasë. Por Këshilli Bashkiak i ka kthyer përgjigje duke i thënë se nëse nuk mund të jetë i pranishëm në mbledhje, mund të dërgojë një shkresë me komentet e tij dhe do të lexohet para Këshillit. Veliaj më parë ka lënë të hapur ankimimin e shkarkimit të tij në Gjykatën Kushtetuese të vendit, vendim i cili do të ndalonte mundësinë e mbajtjes së zgjedhjeve të reja në Bashkinë Tiranë.
