Kanë kaluar disa orë nga vendimi i Këshillit Bashkiak të Tiranës për të shkarkuar Erion Veliajn si kryetar bashkie, por ai s’ka bërë ende një reagim.
Nuk dihet përse kjo heshtje e tij dhe ekipit mbrojtës të avokatëve.
Përgjithësisht ai ka reaguar pas cdo vendimi që është marrë ndaj tij prej institucioneve të drejtësisë.
Për herë të fundit në rrjetin social Facebook, Veliaj ka reaguar një ditë para Asamblesë së PS-së, kur Rama shpalli edhe “funeralin” politik të “delfinit” të tij.
Tani Veliaj është mes dy zjarreve, nga njëra anë beteja ligjore dhe nga ana tjetër beteje politike me Edi Ramën, betejë për të cilën ai ende nuk guxon të dalë hapur kundër shefit të Rilindjes.
