Fitoi ndaj PSG, De Zerbi ndez polemikat: “Përfaqësojnë pushtetin e nuk më pëlqejnë”

Pas gati 14 vitesh, Marseille arriti të mposhtë në shtëpi PSG-në në ndeshjen më të ndjerë të gjithë Francës, një triumf i vërtetë për teknikun Roberto De Zerbi që nga pankina e përjetoi çdo minutë me intensitet maksimal. Trajneri u përjashtua edhe në fund, i pushtuar nga një gjendje agjitimi, dhe pas ndeshjes ishte i pakontrollueshëm: festoi suksesin e djemve të tij si një fitore personale, duke e shpallur si momentin më të pritur që kur kishte ardhur në pankinë. Goli i Aguerd hapi festimet pas vetëm 5 minutash dhe mjaftoi për të kaluar parizienët. Më shumë se një fitore sportive, duket pothuajse si një fitore ideologjish, e një mënyre të të bërit futboll që i përket marsejezëve, të cilët më në fund ia dolën të mposhtin skuadrën më të fortë në Velodrome pas gati dy dekadash. De Zerbi në konferencë për shtyp pranoi se kishte realizuar ëndrrën e tij të madhe: përdori fjalë të forta që ndezin sheshin dhe tifozët e tij, të rikthyer në krah të tij pas një fillimi sezoni disi të turbullt.

De Zerbi, fjalët e thëna kundër PSG

Ishte një fitore e dëshiruar gjatë dhe që erdhi në vitin e dytë të italianit në pankinën e Marseille. De Zerbi pranoi se kjo ndeshje ishte një fiksim i tij madje edhe para se të vinte në pankinë: “E kam thënë Pablo Longoria-s që një nga arsyet pse doja të vija këtu ishte të mundja PSG-në, sepse ata janë më të fortë. Ishte një ëndërr sepse ata përfaqësojnë pushtetin, një skuadër që fiton prej vitesh pa pothuajse asnjë rival të vërtetë, dhe mua pushteti nuk më pëlqen. Është një gjë që nuk do ta pranoj. Prandaj mezi prisja të vinte kjo mbrëmje”. Një përplasje idesh dhe vizionesh të kundërta që shpërbleu OM-in, të paktën për këtë raund. Trajneri megjithatë e di mirë që është vetëm fillimi i rrugës dhe se renditja nuk rregullohet me vetëm një fitore, ndaj e lavdëron skuadrën e tij por kthehet menjëherë me këmbë në tokë: “Por nuk ndryshon asgjë, kemi fituar vetëm një ndeshje dhe kemi marrë tre pikë”.

🎙️De Zerbi: "C'est une de mes meilleures journées depuis mon arrivée à Marseille. Je suis venu ici pour battre le PSG. C'était un rêve parce qu'il représente le pouvoir, une équipe qui gagne depuis des années presque sans vrai rival. C'est quelque chose que je n'accepte pas" pic.twitter.com/zYBoacpJRN

— RMC Sport (@RMCsport) September 22, 2025