Guardiola proteston me arbitrin e katërt pastaj e habit: i jep një puthje të papritur

Arsenal barazon kundër Manchester City me një gol të Martinelli në minutën e 93', por skenën në pasditen angleze e merr Pep Guardiola për një episod të papritur. Është bërë viral në rrjete sociale momenti që ai vuri në skenë me gjyqtarin e katërt, protagonist i pavullnetshëm i një situate mjaft të çuditshme: trajneri iu afrua atij për të protestuar pas një aksioni loje jo edhe aq të qartë, por nuk i la kohë të përgjigjej sepse pas ankesës së tij e kapi për t’i dhënë një puthje në faqe. Një gjest padyshim miqësor, por që e la arbitrin pa fjalë, aq sa u largua me një buzëqeshje të sikletshme. Nuk dihet me qartësi se çfarë i kanë thënë njëri-tjetrit, por skena ka tërhequr vëmendjen e të gjithë tifozëve që nuk kanë mundur të shpjegojnë arsyet që e çuan teknikun Guardiola të kryente një gjest krejtësisht të papritur.

Guardiola puth gjyqtarin e katërt gjatë Arsenal-City

Do të kishim pritur gjithçka, përveç një puthjeje miqësore të stampuar nga Guardiola në faqen e gjyqtarit të katërt, pothuajse sikur të ishin miq të vjetër. Një skenë krejtësisht e papritur që i hutoi të gjithë, arbitrin i pari, i cili për disa sekonda nuk kuptoi më asgjë dhe mbeti i trullosur. Në fund të ndeshjes, para barazimit të pabesueshëm të Arsenal, trajneri i City iu afrua atij për të protestuar në mënyrë mjaft të ashpër për një dinamikë loje që kishte ndodhur para syve të tyre pak çaste më parë. Spanjolli ishte mjaft i vrenjtur teksa përpiqej të mbronte arsyet e tij, por për një çast gjithçka ndryshoi: Guardiola e mori fytyrën e gjyqtarit të katërt me duar dhe e hutoi duke i dhënë një puthje në faqe pa asnjë motiv të dukshëm. Skena ngjalli kureshtjen e të gjithëve sepse nuk duket të ketë një shpjegim logjik dhe për këtë arsye është bërë virale mes tifozëve.

pic.twitter.com/kN7XMlHN4a

— Follow @bt3 (@mmtv40036) September 21, 2025