Shkrimtari dhe publicisti Fatos Lubonja, i ftuar në emisionin "Log." në News24, duke hequr paralele me konservatorizimin në Amerikë me atë në Shqipëri, u shpreh se në vendin tonë ai është i shtirur, pasi PD që pretendon se është konservatore, deri dje ishte liberale.
Lubonja ngriti pyetjen: A kemi ne problemet që ka Amerika, ato që përfaqëson Kirk, bie fjala me njerëzit me ngjyrë apo abortet? Ai shpjegoi se nuk mund të hiqen paralele mes SHBA-së dhe Shqipërisë.
“Mendoj se nëpërmjet kësaj ngjarjeje (vrasja e Charlie Kirk) duhet të kuptojmë më mirë Amerikën. Martin Luter Kingu i bashkonte, Charlie Kirk i ndante amerikanët. Mund të merret si i mirëqenë, por thelbi i ndryshimit është ideologjia dhe vizioni që kanë përfaqësuar për botën.
Martin Luter King kërkonte të integronte amerikanët, duke futur edhe të zinjtë dhe pati një lloj suksesi edhe pse u vra. Ndërsa Charlie Kirk kërkoi një lloj bashkimi, por ai përfaqësoi konservatorizmin edhe në pikëpamje fetare.
Cili ishte diskursi i tij? Së pari, jam kundër vrasjes si mjet politik. Ata që gëzojnë me eliminimin e tij tregojnë papjekurinë e tyre. Kirk përqendrohej në disa gjëra. Së pari, ishte kundër të zinjve.
Së dyti, ishte kundër abortit. E treta, ishte pro familjes tradicione dhe kundër martesave së homoseksualëve. Ky ka qenë polarizimi. Problemi qëndron a kemi ne problemet që ka Amerika, ato që përfaqëson Kirk, bie fjala me të zinjtë apo abortet? Këtu kemi një konservatorizëm të shtirur, sidomos nga PD, që deri dje ka qenë liberale” - tha Lubonja. /BW
