Tudor, një furi në konferencë pas barazimit me Dortmund: “Arbitri na ka dëmtuar”

Igor Tudor është një furi në konferencën për shtyp pas barazimit të Juventusit 4-4 me Borussia Dortmund: “Duhet thënë, nuk më pëlqen zakonisht, që ky arbitër këtu na ka dëmtuar. Kishte një penallti për ne në pjesën e parë për një prekje me dorë. Për ta nuk është penallti, por kjo duhet thënë, sepse një gol për ta dhe një gol për ne atëherë do të ishte 4-2 për ne dhe jo për ta. Ja, duhet thënë, sepse ky arbitër këtu sot nuk ka pasur një ditë të madhe.” Trajneri kroat i referohet prekjes me dorë të Anton në një dyluftim ajror me Kelly: mbrojtësi i Juventusit arrin ta prekë topin për Openda, i cili gjuan por gjen përballë Kobel në dalje, por disa sekonda më vonë arbitri Letexier fishkëllyen ofsajdin e sulmuesit belg, i pa sinjalizuar fillimisht. Para goditjes me kokë të mbrojtësit bardhezi, ka një prekje të qartë me dorë të mbrojtësit të Dortmundit që nuk është vlerësuar nga drejtuesi i lojës. E vështirë të kuptohet zgjedhja që është bërë në këtë situatë edhe pse do të duhej të vlerësohej gjithashtu shtytja/kapja e Kelly ndaj Anton për të parë sa dhe nëse kjo ka ndikuar në ndërhyrjen e vetë mbrojtësit të BVB-së. Me shumë gjasa një rishikim do t’ua kishte hequr çdo dyshim të gjithëve, por Letexier nuk u thirr në VAR dhe ndeshja rifilloi me një goditje dënimi për gjermanët.

pic.twitter.com/ix80IOteQx

— Serie A Out of Context (@CalcioNoContext) September 16, 2025

Tudor: "Mentaliteti nuk arrihet me fjalë, por me punë"

Juventus i Igor Tudor në këto dy ndeshje të fundit ka mishëruar në perfeksion moton ‘Deri në fund' që shoqëron skuadrën bardhezi dhe trajneri kroat është shumë i kënaqur: "E drejtë për dy ndeshjet e fundit. Nuk programohet asgjë, punohet në përditshmëri mbi dëshirën për të bërë ndeshjen. Mentaliteti nuk arrihet me fjalë, por me punë. Është një ndjesi e bukur. Askujt nuk i pëlqen të pësojë kaq gola, por punohet duke mbajtur këtë gjënë këtu. Nuk besoj se do të ketë shumë ndeshje si këto të dyja. Janë përjashtimi".