Cardi B ka zbuluar se është shtatzënë me fëmijën e saj të katërt, këtë herë me partnerin e saj, futbollistin Stefon Diggs.
Në një intervistë për “CBS Mornings” me Gayle King, artistja e hitit “I Like It” u shfaq e emocionuar ndërsa tregoi se pritet të sjellë në jetë beben e saj para se të nisë turneun në shkurt 2026.
“Jam shumë e lumtur,” tha Cardi. “Ndjehem e fortë, ndjehem e fuqishme. Po punoj shumë dhe ndërkohë po krijoj një jetë të re.”
Çifti është lidhur për herë të parë në tetor të vitit 2024 dhe bënë paraqitjen e parë publike si çift në maj 2025 në një ndeshje të NBA mes Knicks dhe Celtics në Madison Square Garden.
Cardi nuk e fshehu faktin që e kishte mbajtur shtatzëninë sekret për pak kohë, duke thënë se donte të sigurohej për shëndetin e foshnjës dhe të përfundonte disa marrëveshje përpara se ta ndante me publikun.
“Tani që jua tregova, shkoni dhe blini albumin tim! Më duhen para për pampersa!” tha me humor në fund të intervistës.
Cardi B është tashmë nënë e tre fëmijëve me reperin Offset: Kulture Kiari (7 vjeçe), Wave Set (4 vjeç), Blossom Belle, lindur në shtator 2024. Ndërsa Stefon Diggs ka një vajzë, Nova, 8 vjeçe, nga një marrëdhënie e mëparshme.
