Cardi Bfoli për herë të parë publikisht për lidhjen e saj romantike,Stefon Diggs, gjatë paraqitjes së saj si bashkë-prezantuese në Today with Jenna & Friends, të martën, më 16 shtator.
Kur u pyet nga Jenna Bush Hager nëse “shkëndijat po ndizen”, Cardi nuk u përmbajt: "Sparkling, honey. Si 4 korrik!" – u përgjigj ajo me një buzëqeshje të madhe.
Cardi zbuloi se nuk ishte ajo që bëri hapin e parë. “Jo, nuk duhet të jesh ti ajo që i shkruan një burri!” – tha ajo duke shtuar se u njohën përmes miqve të përbashkët.
Në një intervistë të fundit për Billboard, reperja rrëfeu se përkushtimi dhe disiplina e Diggs e kanë frymëzuar edhe në jetën e saj:
“Është si të jetosh me dikë që është në ushtri,” tha ajo. “Unë punoj shumë, por mund të bëj edhe pushim. Ai jo. Kjo më motivon çdo ditë.”
Lidhja e Cardi me Diggs u bë zyrtare në Instagram më 1 qershor, kur ajo postoi një foto romantike me futbollistin në një jaht. Pas ndarjes nga Offset, ajo pranoi se ishte e frikësuar të dilte sërish në takime, por tani ndjehet e lumtur: “Ishte shumë e vështirë të fshihesh... por më pëlqen. E dua. Sot e dua.”
