Mediat në Rripin e Gazës raportojnë se tanket izraelite kanë hyrë në rrugën Al-Jalaa, në zemër të qytetit të Gazës. Ato raportojnë se njëkohësisht ka pasur sulme me dronë dhe helikopterë Apache.
Mediat palestineze po raportojnë një seri sulmesh ajrore intensive izraelite në veriperëndim të qytetit të Gazës. Ushtria izraelite ende nuk ka lëshuar një deklaratë për këtë çështje.
Ditët e fundit, IDF ka kryer qindra sulme në Qytetin e Gazës, duke përfshirë edhe ndërtesat shumëkatëshe, në pritje të një ofensive të afërt kundër Hamasit në zonë.
Mediat e Rripit të Gazës raportojnë për 37 sulme në 20 minuta dhe një eksod masiv nga zona veriperëndimore e qytetit të Gazës.
Në videot e postuara në mediat sociale, qielli mbi enklavë duket portokalli. Zhurma e shpërthimeve intensive mund të dëgjohet edhe në Izraelin qendror.
Po sot ushtria izraelite konfirmoi kryerjen e një sulmi ajror në Nabatieh, në jug të Libanit, duke shtuar se ai kishte në shënjestër një seli të Hezbollahut. "Prania e selisë në zonë është një shkelje e marrëveshjeve midis Izraelit dhe Libanit", - deklaroi IDF. ©LAPSI.al
