Opozita thotë se Sara Mila është produkt i bandës së Suel Çelës në zgjedhjet e Elbasanit dhe pas shumë akuzave që mban mbi shpinë, ajo u shfaq në kuvend me një shall ku ishin shkruar të gjitha deklaratat për të pas zgjedhjeve të 11 Majit. Foto më poshtë:
[caption id="attachment_1029070" align="alignnone" width="1600"]
Sara Mila[/caption]
Mila, një ish-nëpunëse e panjohur e Shërbimit Social Shtetëror deri ditën që shpalli kandidaturën, rezultoi kandidatja më e votuar e Elbasanit me mbi 18 mijë vota personale, një rezultat që e renditi mes deputetëve dhe ministrave më të njohur të politikës.
Veçse, një detaj që habiti pas numërimit ishte rezultati i qendrës së votimit në burgun e Elbasanit, ku nga 102 vota gjithsej Sara Mila u votua me 92 vota, një shifër që shtoi dyshimet se kandidatja gëzonte një mbështetje të fortë nga krimi në Elbasan.
Më herët, kreu i PD, Sali Berisha e ka pagëzuar Sara Milan me pseudonimin “Princesha e burgut”.
“Sepse burgun e kontrollon totalisht ata që kontrollojnë Ulsiun dhe Ulsiun e kontrollojnë vetëm bandat. Shikojeni, princesha e burgut, Sara Mile, çfarë t’i themi” u shpreh Berisha gjatë një konference për mediat kur doli procesverbali i kutisë së votimit në burg. Faksimile më poshtë:
Sara Mila, “fenomeni i çuditshëm” i zgjedhjeve të Elbasanit
Që para zgjedhjeve, opozita kishte paralajmëruar se një e panjohur si Sara Mila kishte mbështetjen e organizatës së Suel Çelës në Elbasan dhe rezultati që ende nuk ka një shpjegim logjik përforcoi dyshimet për përfshirjen e krimit në zgjedhje.
