Offset ka vendosur t’i japë fund dramës me Cardi B, teksa procesi i divorcit mes tyre po vazhdon.
Reperi i njohur u shpreh për TMZ se dëshiron vetëm “paqen” për familjen e tyre dhe që të dy të mund të dalin fitimtarë nga kjo situatë. “Duam vetëm paqe. Ne kemi fëmijë për t’u kujdesur,” tha ai.
Ish çifti ka tre fëmijë së bashku: vajzat Kulture Kiari, 7 vjeç dhe Blossom Belle, 1 vjeç, si edhe djalin Wave Set, 4 vjeç.
Offset shtoi se do ta mbështesë daljen e albumit të ri të ish-bashkëshortes së tij, “Am I the Drama”, që publikohet më 12 shtator. Ai madje u shpreh optimist se të dy mund të jenë konkurrentë për Albumin e Vitit në Grammy 2026.
Nga ana tjetër, Cardi B nuk ka qenë aq e kursyer në deklaratat e saj. Në një intervistë për Billboard më 3 shtator, kur u pyet nëse e shihte një miqësi afatgjatë me Offset, ajo u përgjigj shkurt:
“E provova… Pyetje tjetër.”
Reperja 32-vjeçare ka akuzuar ish-partnerin në qershor për mungesë përgjegjësie ndaj fëmijëve, duke thënë se nuk ka kontribuar për shpenzimet e tyre për “një vit të tërë.”
Cardi B paraqiti kërkesën për divorc në korrik 2024, me synimin kryesor për të marrë kujdestarinë kryesore të fëmijëve. Burime pranë çiftit kanë thënë se dyshja, “thjesht ishin larguar me kohë nga njëri-tjetri.”
