Ambasada e Shteteve të Bashkuara të Amerikës në Tiranë bëri të ditur sot se anija luftarake amerikane “USS Mount Whitney” ka mbërritur në Shqipëri, duke shënuar ndalesën e saj të parë në Porto Romano.
“Mirë se vjen në Shqipëri, USS Mount Whitney! Kjo është ndalesa e parë e një anijeje luftarake amerikane në Porto Romano. Mirëpresim këtë fazë të re në modernizimin ushtarak të Shqipërisë dhe këtë hap të radhës në partneritetin e fortë mes vendeve tona”, - thuhet në njoftimin e Ambasadës së SHBA-së.
Ky zhvillim është një moment i rëndësishëm në kuadër të forcimit të bashkëpunimit strategjik ndërmjet Shqipërisë dhe SHBA-së në fushën e mbrojtjes dhe sigurisë.
