Të shtëna armësh u dëgjuan mbrëmjen e kësaj të premteje në lagjen 5 të Kukësit. Policia thotë në një njoftim zyrtar se incidenti ka ndodhur rreth orës 20:50.
Një person i identfikuar me inicialet U. D. dyshohet se ka qëlluar me armë zjarri pas një konflikti për motive të dobëta me shtetasin A. A.. Fatmirësisht, nuk ka persona të lënduar si pasojë e të shtënave. Dyshohet se shkak për sherrin është bërë një parkim automjetesh.
“Vijon puna për kapjen e autorit të dyshuar, shtetasit U. D.. Ndërkohë, është ngritur grupi hetimor, i cili nën drejtimin e Prokurorisë së Kukësit po punon për zbardhjen e plotë të rrethanave të ngjarjes dhe dokumentimin ligjor të saj" - thuhet në njoftimin e policisë së Kukësit. /LAPSI.al
