Departamenti Amerikan i Shtetit ka ndarë detaje mbi takimet e kreut të Prokurorisë së Posaçme, Altin Dumanit dhe zyrtarëve të lartë në DASH për Çështjet Evropiane dhe Euroaziatike, Brendan Hanrahan.
Ata kanë diskutuar për qëllimet e përbashkëta për ndalimin e trafikut të drogës krimit të organizuar dhe migracionit të parregullt. Mes tyre janë diskutuar gjithashtu fusha të bashkëpunimit me përfitim të ndërsjellë.
“Shtetet e Bashkuara po punojnë me Shqipërinë për qëllimet tona të përbashkëta të ndalimit të trafikut të drogës, krimit të organizuar dhe migracionit të parregullt. Zyrtarë të lartë të Departamentit u takuan me Kreun e Prokurorisë së Posaçme (SPAK), Dumani, për të diskutuar fusha të bashkëpunimit me përfitim të ndërsjellë”, thuhet në përgjigjen e DASH.
Takimi është zhvilluar tre ditë me dyer të mbyllura pa praninë e gazetarëve.
