Skandal, qëllon me shuplakë arbitren: Vanessa Ceballos i kishte dhënë karton të kuq

Momente tensioni dhe dhune kanë ndërprerë ndeshjen mes Real Alianza Cataquera dhe Deportivo Quique, e drejtuar nga gjyqtarja Vanessa Ceballos, e cila u qëllua me shuplakë nga një lojtar. Javier Bolivar është autori i gjestit të pamenduar që ka ngritur polemika të mëdha në Kolumbi: lojtari sapo ishte përjashtuar nga arbitria dhe, për inat, u përpoq t’i jepte një shuplakë në fytyrë, duke goditur fatmirësisht vetëm bilbilin që ajo kishte mes buzëve. Bolivar ishte ulur në pankinë kur në minutën e 66-të shpërtheu një sherr që përfshiu të dyja skuadrat e Primera C kolumbiane. Atij iu tha të qëndronte ulur për të mos ushqyer më tej sherrin në zhvillim, por nuk i dëgjoi askujt dhe mori një karton të kuq direkt për sjelljen e tij agresive, që më pas përfundoi në një akt të vërtetë dhune. Ditën pas ngjarjes, lojtari kërkoi falje përmes profileve të tij në rrjetet sociale, duke shpjeguar qëllimin e vërtetë pas gjestit të tij, që u dënua nga të gjithë.

🇨🇴 La árbitra colombiana, Vanessa Ceballos, se dirigió al banquillo de Bolívar para expulsar a un "futbolista", se le encara y suelta un manotazo. 🥊Ella quería devolvérsela y corre tras él teniendo que ser sujetada. 💪🏻Toda la fuerza y ánimo Vanessa. pic.twitter.com/WoMV9RKF0H

— Mr. Asubío (@MrAsubio) September 2, 2025

Vanessa Ceballos e goditur me shuplakë nga një lojtar

Situata degradoi për disa sekonda dhe nga një zënkë në fushë u shndërrua në një agresion fizik ndaj gjyqtares. Në minutën e 66-të të ndeshjes mes Real Alianza Cataquera dhe Deportivo Quique shpërtheu një përleshje që përfshiu lojtarët e të dyja skuadrave, përfshirë ata që ishin në pankinë si Bolivar. Ai u ngrit për të protestuar por u përjashtua menjëherë nga arbitria, e cila nuk e priste që të qëllohej me shuplakë: futbollisti iu afrua dhe zgjati dorën drejt fytyrës së saj duke e prekur dhe duke shkaktuar një reagim që askush nuk do ta kishte pritur. Ceballos u përpoq ta ndiqte pas shuplakës, por u mbajt nga anëtarët e stafit teknik të Real Alianza Aracataca, ndërsa Bolivar u shty drejt dhomave të zhveshjes nga skuadra kundërshtare. Videoja e agresionit u përhap me shpejtësi në rrjetet sociale, duke shkaktuar indinjatë të madhe te tifozët. Futbollisti u përpoq të shpjegonte këndvështrimin e tij në një letër të shpërndarë gjithashtu nga klubi i tij, në të cilën kërkon falje për ngjarjen: “Duke u përpjekur t’ia hiqja bilbilin arbitres, bëra një gjest të gabuar që nuk do të duhej të kishte ndodhur kurrë. Dua të sqaroj se nuk ka pasur një agresion fizik, por e pranoj që gjesti im ishte ofendues dhe në kundërshtim me vlerat e futbollit. Kërkoj falje asaj, familjes së saj dhe kujtdo që është prekur nga ngjarja”.