Drake ka reaguar ndaj zërave se ka kryer ndërhyrje plastike për të pasur bark të sheshtë dhe muskuj.
Në një intervistë në podcast-in e Bobbi Althoff, “Not This Again”, 38-vjeçari u pyet drejtpërdrejt nëse kishte bërë ndërhyrjen e njohur si abdominal etching.
“Jo. Por njerëzit thonë gjithashtu që kam bërë edhe BBL, apo jo? Më thërrasin BBL Drizzy,” u shpreh ai me humor, duke iu referuar ndërhyrjes Brazilian Butt Lift.
Pyetjes se nga erdhën këto thashetheme, ai iu përgjigj se gjithçka nisi nga një foto pas palestrës, ku dukej me “six-pack” shumë të theksuar.
“Isha thjesht i djersitur në atë foto. Ndoshta pastaj hyra në Facetune, shtova pak detaje, rrita ngjyrat… Po, ndoshta e teprova,” pranoi reperi, duke shtuar: “Më falni që po tregohem i sinqertë!”
Fansat nuk humbën kohë për ta tallur reperin. “Ka porositur abs nga Temu dhe ka harruar të shtojë supet dhe tricepsin,” shkroi një ndjekës. Një tjetër komentoi: “Abs nuk përputhen me trupin.”
